Inicio / Noticias / Formación continua / Hobetuz Ikastaroen Programazioa – Fondo Formación Euskadi Lanbide – Euskal Enplegu Zerbitzuak %100 diruz lagunduta

Noticias

Hobetuz Ikastaroen Programazioa – Fondo Formación Euskadi Lanbide – Euskal Enplegu Zerbitzuak %100 diruz lagunduta

Formación continua
16.05.2016
EAEn lanean ari diren langileei lehentasunez bideratuta eta %100 diruz lagunduta dauden Hobetuzen ikastaroen behin-behineko ebazpena argitaratu ostean, Fondo Formación Euskadik Bizkaiko, Arabako eta Gipuzkoako zentroetan programatu dituen ikastaroen eskaintza aurkeztuen du.
  • Aurtengo prestakuntza-eskaintzako ikastaroek era askotako berrikuntzak dituzte aurreko urtekoekin erkatuta; hona hemen prestakuntza-ekintzetako batzuk:
  • Mindfulness, estresa eta herstura gutxitzeko
  • Arduino
  • Aplikazio mugikorrak garatzen hastea (JAVA)
  • Prezi: aurkezpenak egiteko artea
  • Ziurtagiri digitala eta izapideak sarean egitea
  • Elkarlanerako web tresnak
  • Ukitu digitalak Photoshopekin
  • Bektore Marrazkia I
  • Maketazioa Adobe Indesignekin

ikastaro guztiak

Bestalde, fabrikazio mekanikoko espezialitateko ikasleek askotan eskatzen dituzten ikastaroak bildu ditugu programan; hala nola Soldatze elektrikoa eta TIG Soldatzea. Horiez gain, logistikako espezialitatean, UNE-EN arauaren arabera irakatsitako igotzeko orgatilen eta plataforma jasotzaileen ikastaroak sartu ditugu.

Bada beste berrikuntza bat, profesionaltasuneko ziurtagirien arloan, hain zuzen, "Enplegurako lanbide-heziketako irakaskuntza" profesionaltasun-ziurtagiria. "Gainazalak eta altzariak garbitzea eraikinetan eta lokaletan" eta "Mikroenpresak sortzea eta kudeatzea" ziurtagiriak bezalaxe, osorik edo prestakuntza-moduluka egin daiteke.

Lanbide-gaitasunak aitortzeko, ebaluatzeko eta egiaztatzeko xedatze-gunean izena eman duten lagunentzat, prestakuntzako unitate hauek eskaintzen ditugu:

Pertsonei erakundeetan gizarte- eta osasun-arreta emateko Profesionaltasun Ziurtagiriko UF0131_ Erakundeetan dauden mendeko pertsonekin komunikatzeko teknikak unitatea eta pertsonei etxean gizarte- eta osasun-arreta emateko Profesionaltasun Ziurtagiriko UF0124_Erlazioa, komunikazioa eta behaketa mendeko pertsonarekin eta haren ingurunearekin unitatea.

Prestakuntza bitartez ikasleen egiaztagiriak bideratzea da helburua, esperientziaren bidez gaitasuna egiaztatzeko gailuan nekez egiazta daitezkeen moduluak baitira.
HOBETUZ-2016